Velika glazbena koalicija a ni nije politika u pitanju
Kad je tema jubav za naš lepi kraj i lokalpatriotizam onda ni teško skupit judi da kantaju, nego je pitanje da li imamo dovoljn teksta za seh ki su prišli i pridružili se da budu dio ove naše velike kumpanije prijatelja i najvećeh zvijezdi domaće estrade pod ovin našin nebon.
Ovo je pjesma za naši nonići ki su nan pustili ovaj lepi kraj, sve užanci i vrednosti ke nesmemo pozabit.
Ovoj pjesma o Bure, vetru ki zrak očisti od negativneh misli, ki su maglu i blato raspuše, da budemo zdravi i rumeni, a i na bure se najboje pršuti suše.
Ovoj pjesma o Učke velemu bregu i plavemu kvarneru, o moru i ribe ca z ognjišća diši i vinu čije su zlatne kapi i potaknule inspiraciju da ovi stihovi najdu melodiju pa da se rodi ova pjesma.
i na kraje ovo je pjesma za Nas, našu kompaniju i našu decu, da i kada nas ne bude bilo imaju ča zakantat va konobe da ih srhi pasaju.
Uglavnom dok se svi diče i poštuju se svoje, mi smo često preskromni i sramežljivi i ne štimamo dosta to ča imamo pa onda ispada ko da tega ni ili da to ne vredi!
Zato je ova pjesma i okupila Kvarnersko Istarski glazbeni All Stars, da pokažemu svu raskoš talenta, ki smo i ča smo. Kako bi Thompson rekal, neka vide da nas ima!
Ova pjesma ni baš preko noći nastala, i fanj je tega pasala dokle ni finalnu verziju ugledala.
Sej počelo 2020. al kako je krenula korona ideja je malo šla na godisnji, a onda kad je bura uspijela raspuhat ti virusi mi smo okupirali studio Roberta Grubišića ki je ujedno i storil aranžman, i pomalo stih po stih pjesma je pocela dobivat sve elemente, doduše nekeh smo snimali i po terene (razneh konobah i uredeh) izvodili sve egzibicije da bi nakraju sve to skupa spojili Va ovu finalnu pjesmu.
Ako dobro brojim preko dvadesetak ljudi je aktivno soplo i kantalo tako da uz KOKTELSI ki su baza pjesme, redosljedom pojavljivanja semi jedno velo HVALA na trudu i vremenu:
Dražen Turina Šajeta, Alen Vitasović, Serđo Valić i Pere Banko, Mario Battifiaca, Martina Majerle, Duško Jeličić, Sergio Pavat, Klapa Kastav, Joso Butorac, Robert Ferlin, Zoran Kinkela - Mežnjar.
Tekst i glazba: Nikola Peršić , aranžman Robert Grubišić,
mix master: studio Adria Records
izdavač: Music Star Records
Paricujemo se i na dobren pute smo da snimimo i video spot tako da se i temu nadamo do kraja leta.
Uglavnom voleli bimo z ovun pjesmun da osjetite taj dih domaćega kraja, da će vam zbudit neku lepu emociju i uspomenu, i ča je najbitneje da ostanete tu živet, ki mora prodat neka proda nisu neka bajna vremena, ali škoda bi bilo da ovaj kus raja, kega su Nan naši stari pustili neki drugi uživa!
Copyright © 2020 All Rights Reserved. Created by ProBiz